Nos Projects…

  • Projects sanadad mentala
    Examinar, co giuvens survegnan access a sustegn psicologic. Collaborar cun organisaziuns dil fatg e sviluppar metodas da sensibilisar instanzas publicas, decididers, la populaziun sco e megliurar la situaziun generala.

    Project mobilitad e traffic public (incl. bus da notg Surselva)
    Megliurar la capientscha co igl urari vegn organisaus en in brat culla Regiun Surselva e la cumissiun d’urari. Rimnar e contribuir giavischs da giuvens al traffic public, sco p.ex. colligiaziuns en uras marginalas, la notg ni la fin d’jamna.

    Communicaziun denter vischnauncas e giuventetgna
    Megliurar il dialog denter giuvens e vischnauncas per megliurar la capientscha, promover partizipaziun per representar interess e crear ina basa da brat.

    Scuntradas regularas per carschi giuvens (continuadamein)
    Organisar scuntradas regularas per commembers, (carschi) giuvens, off- ed online. Per part cun program accumpignont sco p.ex. “Pizzaplausch”, rapports d’experientscha, ni formats semeglionts.

    Acquisiziun da novs commembers (continuadamein)
    Iniziativ da acquirir novs commembers, rinforzar e colligiar la generaziun giuvna ella Surselva tras: brat denter suprastonza e habitonts dalla Surselva ni uniuns da giuventetgna (via WhatsApp ni e-mail), menziunar e posiziunar l’uniun NextGen Surselva, demonstrar interess en vischnauncas e gidar cun projects (sur-)communals (supplementar a cumisiuns da giuventetgna communalas).

    Brat cun vischnauncas & visetas da scola (continuadamein)
    Brats regulars cun vischnauncas sco era luvratoris e presentaziuns en scolas, denter auter per ligiar giuventetgna.

    Preschientscha online & communicaziun (continuadamein)
    Sviluppar vinavon la pagina d’internet e mantener il canal d’Instagram per informar, secolligiar ed esser visibels.

    Colligiaziuns regiunalas & cantunalas (continuadamein)
    Brat cun organisaziuns, autras regiuns (cantunal e naziunal) ed instanzas cantunalas per rinforzar giavischs dalla giuventetgna e sur la regiun ora.
    Exampels: brats culla regiun Engiadina Bassa / Val Müstair, representaziun a «Jungpolitikerinnen bitte einsteigen».

  • Midada suprastonza (fin 2025)
    Il presiden Samuel Zinsli seretrai per la fin da december 2025 ed ina nova fasa entscheiva: ad interim meinan Chiara Weishaupt (actuara) e Sarina Caduff (cassiera) l’uniun. Rinforzar la suprastonza duess vinavon esser ina finamira.

    Brat cullas vischnauncas & “Pizzaplausch” (october 2025)
    Brat cun representants dallas vischnauncas suondau dad in arranschament cun commembers ed interessai cun interessants discuors cun giuvens carschi ord la Surselva.

    Luvratoris da scola Surselva (atun 2025)
    Luvratoris ella scola gimnasiala claustrala Mustér, la FMS/HMS Glion e la scola professionala Glion per presentar l’uniun NextGen Surselva ed elavurar ideas cun scolaras e scolars.

    Brat vischnaunca Glion (zercladur 2025)
    S’entupada cun vischnauncas per presentar projects e discutar sur sfidas regiunalas.

    Luvratori per la lescha da sustener giuventetgna[m1]  (2025)Priu part a dus luvratoris da jugend.gr a Glion per la lescha cantunala da sustener giuventetgna (Jugendförderungsgesetz). Egl emprem luvratori han ins rimnau ideas e discutau cun giuventetgna. Il secund luvratori ei vegnius fatgs cun representantas da giuventetgna ord las vischnauncas ord la Surselva ed ha giu il focus da aprofundir e sviluppar ils giavischs.

    Arranschament inizial (12 d’avrel 2025)
    Emprem arranschament uffizial da NextGen Surselva per rimnar ideas, sebratar e secolligiar.

  • Prix pour l'engagement citoyen – 2. plaz (2024)
    Distincziun pil engaschement da NextGen Surselva e priu part alla surdada dil premi a Lucerna.

    Lavur da secolligiar & brats externs (2024)
    Brats cun autras organisaziuns e priu part ad ina s’entupada per s’avanzar e secolligiar.

    Emprem brat cun uniuns da giuventetgna (2024)
    Creaziun e collaboraziun cun uniuns da giuventetgna cun brats regulars. Quei vegn praticau continuadamein.

    Creaziun reit da vischnauncas (2024)
    Priu si contact cun vischnauncas e creau ina reit cun contacts e representants.

    Presenza da medias (2024)
    NextGen Surselva ei stada presenta ellas medias per vegnir enconuschenta e visibla.